موسوعـة مسجـات عــرـرـراقيـهـ

الســـــــــــــــــلام وعليــكمــ هذا المووضــوع تجمـع لمســجات الهـاتف ** الدراميـ**
وكــل واحــد عنـده مسجــات على شكـل دارمي يضيفـه ,,

لهنانه وتبطلين ياروحي كافي***باع الملح والزاد الكال اوافي

ارسه اعله بر وياي بيك انه حاير***ريشه بمهب الريح هيج انه صاير

انشدعلي اعداي لاتنشد اصحاب***مابعت خوه بيوم لا كلبي سد باب.

بصرتنا منبع طيب مو بس لاهلها *** ياهو اليمرها يكول ماكو احلى منها

مالي كلوب اثنين خو تدري بية***واحد واخذته وياك وشظل الية

اوف والف ياويل منج يدنياي*** بييج العزيز يطيح والتصعد عداي

شمالك يبعد الروح جف حبرك وياي .**منك ردت بس بيت لاتكتب هواي

الدمعه سم ونار والحسره تيزاب **ومن فركتك يهواي حتى الكلب ذاب

بعدك يبعد الروح سوده الليالي *** ما ادري ابجي عليك مدري على حالي

موكتلي انه أهواك مو كتلي احبك***بعد الحمل ماطاح أعلنت حربك

هم كلبي وك بجفاك هم وشبع هم**ومن كثر مامشتاك مات وشبع غم

هم شفت هم سمعيت بالفاكد امه والكلب لو ينساك بايديه اطمة

صايم صرت بجفاك والماي اعوفه**والكلب حيل يصيح ياريت اشوفه

عوف الزعل هل يوم وعوف الطلايب *** وخل نكعد اني وياك مثل الحبايب

حسبالك اني انساك لو قلبي قاسي *** والكعبة احبك حيل اخاف انت ناسي

مااريده بس اليوم عوف الزعل دوم***واكضي العمر وياي مايكفي بس يوم

دربي اصح يفلان من دربك انتة**واحلى الدروب اتصير من نمشي سكتة

ليش انا ليش اهواي مبتعدة عنة **وهوى النفس بالروح وماكو اغلى منة

كل يوم اسولف بيك اني اوجروحي**تزعل تغار اعليك من عندي روحي

اسال عليك الناس وسمع حجيهم**بعدونة هل شمات كلة من اديهمــــ

احا بثر احا كلة على فركاك **وانتفض مثل الماي وفرح بملكاك

جاري انتة يل محبوب لاتضن انساك**لو بل كبر طبيت هم ادخل وياك

اسهر وافكر بيك كل لحظة كل يوم**ومن كثر ماسهران عرفتني النجوم

روح والف مبروك كون بسعادة*وبقى انا وسط النار وكله ابشماتة

بكلبك محبتي كتاب خليلي صفحه *** وحت لو سطر راضين بس لاتمسحه

رد :حبك أمسحه شلون يل أنت بيه *** عايش بنص الروح غصبا عليه

سود العيون كبار جنهن غزاله**حقة الكمر لوغار ويطلب عدالة

لا تلاثة لا بثنين ابسبعة طايح **كلة بسبب فركاك كاظيها دايح

مشتعله نار الشوك وبكللبي تسعر ***ذاب الكللب والروح وحبيبي مامر

اشكي ابقلب حيران بس ربي يسمع ... ونحب نحيب ايتيم و عيوني تدمع

تدري شعمل فرگاك من رحت عني***جثه وعلى التربان محد دفني

حبك سكن بالروح وتعده حده***وكل من يگول انساك احترگ جده

محبوبي صاير نار وبكلبه تنور***مثل السفن فوار بس تلمسه يثور

ياربي وصفه اهواي كمره بوسط ليل*** والجسم غصن البان ويه الهوه يميل

ومن اذکر الگعدات أنحب وآلوجن***وآشهگ واصيح ابصوت: هلبت يعودن

عِلّـه وغِدَت بحشاي من انته ما جيت***وتبره وتطيب ابساع، إنچان انته وافيت

لو عبوة بين اشفاك والخد يزرعون ... اهجم وشبعك بوس واحتل العيون

تدري انته لو زعلان شسوي بيه*** انه ودليلي وياك نزعل عليه

رايد جواب ارجوج بنت الاكابر تطلعلي امج ليش كلما اخابر

حيف امي عدة وليف عايفة كوة ومن تتصل يهواي ضنتك هوة

اهلا وسهلا بيك بالكلب كلنه *** مانكدر انحاجيك كدام اهلنه

اخباري ضيم واه يوم الاعوفك ** والفرح طعمة سموم من ماأشوفك

من ما اشوفك يوم يحترك دمي واكعد واسب بالناس واكفر بعمي

وينك يملك الموت تاخذلي روحي***لان عاشرت بذات وزادن جروحي

لو تدري شنهو ألصار بيّة و جرالي ... من فرگتك إبليس يبچي اعلة حالي

هاك الدرع والسيف ومسلّم انه ... كلبي وطبك وياك صارت خيانه

دامي الكلب يا ناس واجروحي تلهب *** جي لنه ذاك اليوم محبوبي جذب

كــوٍن آنـه إْعمى عيـون وإتلمس الناس ... وإبدي بحـبيب إلـروح من جـدمه للرإْس

حبك يبعد الروح جرح دليلي** وتدري البعد والشوك هدملي حيلي

هدملي حيلي الشوك واتعبني بعدك**كلي على هذا البيت شنهوه ردك

ضلي بغرورج دوم يل ما وفيتي وياي لو حلوة شسوين جنج مرة بباي

شماتي مو شمات شماتي ورطه... نصهم امن واجرام والباقي شرطه

مكتأب حيل هواي كاره دنيتي**واتمنى كون اليوم توصل منيتي

عيش بدنيتك عيش وانسى همومك**جم مره راح اتعيش افرح بيومك

وين الفرح يفلان تحجيلي عنه**حزني انطبع بحشاي صرت انه منه

اتفائل بدنياك الحزن يتعب**والمثل خويه يكول اسال مجرب

موبيدي انه انساه وانسه هوانه**محبوبي وحده يجيب فرحتي انه

ياخويه نبع الطيب والوفه انته**مخلص لحد الموت وحبك مخنته

دينك علي للموت ما انسه فضلك**وتثبتلك الايام اخلاصي لجلك

يتعارك الدلال وي روحي والعين**كل من يريدك بيه اتحب تحط وين

ساعه وأدگ بلباب وماتفتحونه**هيج الحبيب يصير من تكرهونه

ساعه وتدگ بلباب شمالك شبيك **فاضحني بين الناس وتريد احاجيك

عيد ودمع وجروح يلتمن شلون *** كلما اگول انساک تفضحنی العیون

ريت الله يجمع كون شمل الأحباء *** ويخلص عراق الخير من كل الأعداء

هم وقلق هم أرهاق والوجع هايج**دكلي ولو مس كول والكعبه ضايج

جمره وتريد الروح تطفه بدليلك -- صدكني ما ارتاح لو ما أجيلك

امس الزرعتة اليوم مو برحي شصة *** راحت اكد واشور ضلت منصة

احبك سكن بالروح والتف عليها *** ومن بأسمك يصيحون تفقد وعيها

للمكبرة تعنيت وبروحي همة ** ها يالدفنت هواي ادفني يمة

بسود صبغت عضاي كلهة على فركاك ** مرخوص شعر الراس فك حزنة بجفاك

سبحه وخرز من طين ونكطعت بماي**هيج انه حالي يصير من تكطع وياي

متولع ومجنون من يوم العرفته **وصار العكل طشار يوم العشكته.

خلي العكل طشار بسكون أشوفه**هذا العشك سلطان تحكم ضروفه.

تحكم ضروفه يموت هم والله راضي** واقبل أطب للنار بسكون الاكي

عيد وبدر وهلال انه من الاكي **ومن الدنيا لاماريد بسكون أماشي.

اترده حالي وصار يوم ارده من يوم**شاب الكلب والراس من كثر الهموم

ابهمي ماهميت ملتهي ابهمج**كلما اضيع الروح الكاه يمج

شگ عینی و اشرب مای واترس اچفوفک**بس وحده خلها ارجوک بیها ارد اشوفک

عوف العشك يفلان بالك تداري ××× لوتنطي ماي العين تشبع بواري.

اتعثر بممشاي ناحل تراني ××× والبوري مو بالراس طكني على اذاني

يوم اسود ومكروه يوم العرفناك**لا شمة منك يوم لا مرة بسناك

هذا عراق اشلون تردوني اعوفه **دم يجري بالشريان اسمة وحروفه

مايكتل العشاك غير الهجر شي**والكلب ينزف حيل من المحب يمشي

لو ردنه انا وياك بالخوه نحجي**صدكني انته الشيخ وانه الكهوجي

انته الكهوجي اتكول والشيخه ليه**وانه الفرح بجفاك مامر عليه

مابيها لف ودوار خوتنه خوه**والوكت عالتقصير يجبرنه كوه

الوكت عالتقصير يجبر واكو اسباب**بس مو سبب ياصاح سد عتبة الباب

من تحب فكر زين لا تغلط أردود *** اختار الوفي بدنياك وأتحمل وعود

خـاف اللـه يالمريت ما كـلـمـتـنـي *** لـيـتك حجيت اوياي لو شـتـمـتـنـي

هيمة وخذاني الليل ومخاطف ذياب *** كل هذا وتعنيت يا أغلى الاحباب

لا لاتخاف الليل ومخاطف الذيب *** هاي انة ادك الروح عدهم لمتشيب

عتتني روحي عليك وأنة بجزيرة *** ماهمهة خطف ذياب شالتهة غيرة

تمشي وتجازف ليل وجمالة بالجول *** أفرض كلاك الذيب للمحب شنكول

أتعنة للتهوى لتهمك ذياب *** الظلمة كمرة تصير بغياب الاحباب

چم سهم بالدلال يصعب عدد هن *** وجروحي دوم تزيد ياهو اليشدهن

ياهو اليشد اجروح خويه بوكتنه*** ضايج على الأهات جي ما لفتنه

رف كلبي ليك اليوم يابو شعر ميش *** بحور اعبر لعيناك وانه اغرك بكيش

انهاهة وتهم بيك انهاهة وتنوح**فزت توالي اليل وتريدك الروح

مر والمراره البيك محد حواهـــا *** أو روحي اشتهت ملكاك عفيه اشكواها

ميت بنص تابوت ومحزم بطوك *** كل هذا وتعنيت من هزني الشوك

روحي اشتهت ملكاك رغم المراره **** أو بجفوفك الدلال شيطفي نــاره

روحي اشتهت ملكاك رغم المراره **** أو بجفوفك الدلال شيطفي نــاره

نتعذب آني وياك .. حُكـــم الليالي ^^ما بيهه لذه الآه ..للكَلبه خالي

اهل الهوى ايكولون كلهم مساكين ... وعدهم الف تفسير لو رفة العين

صبري وصبر ايوب ما ظن سويه... لو يدري بيه ايوب يلطلم عليه
هذا انه اصيح بصوت خاطر تجيني**تسمع ولا رديت موطفت عيــــــني
وتعذبت ياناس خاطر اشوفــــــــــه*وجرحي الجبير اليوم اعمى اليروفه
تدري انته حالي اشلون لو تزعل بيوم *** مثل الذي اعدام بالشنق محكوم
أمي امنروح ابعيد وارجع عليها***الگه الدموع اسيل حته منديها
من جاني ملك الموت وتلفلف وياي *** گمت وشبگت الموت حسبالي اهواي
حرمه وغريبه دار ومشككه هدوم ... هذا حالي عليك من تبتعد يوم
انه ادري من فركاي دلالك انصاب *** واعرف شحيحه افراح عالفاكد احباب
ماادري مني شطاح من كتلي رايح *** من دورت وياي ثاري انه طايح
ودوني للمحبوب كافي ارد اشوفه مهما جرى وماصار لا ما اعوفه
ما عوفه مهما صار محبوبي انه مو بالكلب والروح كلي مكانه
كلي اله وفداه محبوبي الاسمر اركض وراه وانوب يكلي وخر
ما اريده اريد انساه الي جرحني وصاين محبتي وياه الي ذكرني
الي ذكرني ومات من دمع عينه ابجيله حته العين بس هو وينه
جانت تداوي جروح رقة كلامك سبحانه من خلاك تقسى بغرامك
احمل وفا اني وطيب والرقه كلها وكل مشكله بالكون بس يمي حلها
افرح فرح ماصار لليذكروني والهم فدا هالروح والهم عيوني
وين الوفا ياصاح شوصرت بذات نسيت السهر والليل نسيت احلى كعدات
صبح ومسه بالليل من بالي متروح بحقك قليله هواي لو ردت هل الروح
بغداي واحلى اعضاء كل احنه خوان وكلمن يضيف اهداء وخل تنسى الاحزان
سلوه وفرح للروح واحلى المواقع ابغدادي كلنه اخوان وهذا احلى واقع
لو يمي كل الناس وكل الاحبهم ابقى اني لك محتاج يا اغلى منهم
لا تطلع برمضان واگضيه نايم**من شوفك يفطرون تشبع شتايم
اصفن واجر حسرات والدمع ينساب *** والفركة مثل الموت ما بين الاحباب
الفركه مثل الموت ويمر علينه*** والقسمه من الله كلي شبدينه
ملهوفه اني عليك مثلك واكثر وكل ليله ابجي عليك وكل ليله اسهر
من الصبح حد الليل كاعد وافكر**وينه التحبه الروح عني تأخر
عني تأخر ليش محبوب كلبي**كون بسلامه وخير يجيبه الي ربي
كون بسلامه وخير ربي يجيبك**وتغفى على طول الليل بصدره لحبيبك
حكي من انوح اعليه واهدمله حيلي*** ماخلف احجايات خشنه ابدليلي
ارد انشد العقال وابغيهم اشهود مات الوفه اودفنو لوبعده موجود
مات الوفه اودفنو مات اخس موته وي يوسف الذبو بالبير اخوته
ربعك صفو فرعون صير انتة موسى**وبالك تطخ الراس لو جف تبوسه
تيهني گلبي وياك مو تايه انه**دفعة بله اترجاك رده المچانه
بطلنه نعشگ دوم ما بينه حيله**ياخل صفه بهالكون بس الخليله؟
جفــــي أعله بابك مات من كثر مادك**ومن كثر ما دكيــــــت كلب القفل طك
لجلك أصيــــــــرن باب ينفتح لوجيت**ولو من صدك مريـت كلي انكلب بيت
لا تضن يوم انساك واعشك بدالك *** حتى من احب أثنين انت وخيالك
علمتج تحبين مو جن طمستي *** بس واحد يحبون مو عشرة يختي
اهلآ وسهلآ بيك ياسبب موتي عفت العشيره عليك وامي وأخوتي
تشهد الك هالروح فايض حناني *** انت الخيال وياي يعني انت آني
شنهي المعزه الحيل سولفها ليا ** وحجيلي شنهي عليك شنهي العليا
ناذرلك انا الروح مو منها وصلة ** تساويني بالبذات والناكر اصلة
صير شتريد اتصير حنظل واجرعك *** بس لا تكول فرا گ مابيه اودعك
ارد انشد العشاك واهل العداله*** ليش التكله اهواك يكثر دلاله
بيضه وتضل للدوم بالعشره نيتي *** وبيت الأزوره ايصير يابويه بيتي
والله ونظل خوان والبيت بيتك *** سالم عساك بخير من الله ريتك
ليش التريده الروح يصعب عليها *** والما تريده الروح محبس بديها
ادري انته صح زعلان بس ارد اراضيك *** ليش انته قاسي وياي ماترحم شبيك
هم همي هم الناس هم انت ناسي *** ما تدري بيه شصار شيبو راسي
تمثال الك بالعين شايلتة الجفون *** و نافورة منة وبيه دمعات العيون
يالتسوة نوحي عليك يالتسوة لعيون *** عشرتنا شجرة وماي نتفاركً شلون
طيب و اعرفك دوم بالخوة تهتم *** و الخوة بس اوياك اسكيهة بالدم
ماشينة كل الناس يالتدري بينة *** ومثل الضمير البيك ماظن لكينة
مر مره مر يفلان بس خل نشوفك *** ومن العذر معذور نعرف ظروفك
مر مره واترجاك واسمع كلامي *** انه الحرستك دوم اطلع حرامي؟
مر مره مر مرتين ما نمل وصلك *** بس لو عفتنه اسبوع صدگ افصلك
لالا تمر يفلان ما اريد اكلفك *** انته اجذبت مرتين وتريد احلفك
مو حسره تطلع نار كل لحظه بجفاك *** لو حسرتي تمر بيك چا حرگت شفاك
اليون تالي الليل لابد على اسباب *** لو دهر جاير بيه لو ذاكر احباب